Back to Top
Responsive image
E korant di pueblo

Komersiante ta sera tur negoshi baha bai


May 25, 2021 • 1 minüt pa lesa

Punda—E komersiante lokal, Steven Blanca den un app a konfirmá na su grupo di empleado ku e ta sera tur negoshi i no tin sèn pa paga nan último salario. Entretantu rumornan sirkulando ta indiká ku Blanca a sali fo’i Kòrsou rumbo Latino Amérika, probablemente Colombia. Anke ayera tardi otro informashon ta konfirmá ku e la reuni ku kreditornan.

E notisia a kuminsá sirkulá fo’i ayera riba retnan sosial unda Blanca ta konfirmá ku debí na preshon di akshonistanan e tabata obligá na sera tur negoshi pa evitá bankarota. Mas aleu el a bisa tambe ku no tin fondo pa paga nan salario i pa kada ken kuminsá skohe fo’i dje ofisina lokual nan ta deseá i laga e yabi di edifisio pa e doño. Blanca tabatin un kantidat di negoshi ta manehá na Kòrsou despues di tabata traha komo konsehero na e.o. KPMG. Entre un negoshi ku e tabata manehá ta Clarion Hotel na Piskadera. Tambe e tabata manehá un negoshi di fiansa personal.



Login