Back to Top
Responsive image
E korant di pueblo

Komersiantenan na Kòrsou ta kabes abou


March 25, 2021 • 2 minüt pa lesa

Nunka: segun Billy Jonckheer nunka e no a mira un situashon similar.

Punda-  E di dos lockdown na Kòrsou, ta resultando desastroso pa hopi kompania mediano i chikí. Billy Jonckheer di Kámara i Komersio i miembro di Grupo di 15 a konfirmá na Vigilante ku nunka ainda e no a mira un situashon aktual i ta teme resultadonan desastroso segun e lockdown ta sigui.

Lokual ta bai sosodé na Kòrsou ta lokual Vigilante a pronostiká fo’i 2020. Kabinete Rhuggenaath a bai hasi polítika preferenshal ku fondo di sosten sin konosementu i sin ekspertisio. E promé reseshon a kousa daño pero un di dos Lockdown lo  transformá den un depreshon ekonómiko. Rhuggenaath huntu ku ministernan a tuma demasiado tempu pa tuma desishon. Miedu di vakbont, bolsa di ámtenar i di oposishon tabata e kombinashon perfekto pa yega na e ruina ekonómiko finansiero. Ku kasi 4 miar na debe, un kantidat di fiansa riba bullet sin ta kumpli i menasa riba défisit ni ku milager no por skapa Kòrsou sin aseptashon di intervenshon.

Ekonomia di Kòrsou ainda no a yega su punto di mas abou. Pero segun e deskonfiansa sigui oumentá e sla ta bini di abou yega ariba. Kòrsou su ekonomia doméstiko ta dependé di mas ku 55% di kompanianan chikí i mediano. Esaki ta nifiká bolsa di konsumidó kumprando lokal i gastamentu lokal. E por ta karson, prenda, tayer di outo, piesa, muebles. Ekonomianan mas grandi ku Kòrsou a sobrebibí Covid te ainda dor di mantené e struktura di gastamentu. Kòrsou a sera tantu pa gastamentu internashonal i lokal na 2020, saliendo fo’i punto di bista ku momento habri bek, kos ta start manera un wega di futbòl pero den ekonomia e rèfri no ta sali asil pa flùit. Na 2021 ainda e isla su ekonomia no por rekuperá. Pa Kòrsou e no ta bai sali tampoko por lo pronto. Fo’i dia a habri bek levemente  ya tabata opvio ku no tin mesun kantidat kliente dilanti porta. Kolektivamente e ekonomia ta kuminsá drai pero ku forsa kontrali. En bes di sigui krese, hopi kompania chikí no por mantené gastunan operashonal debí na e nivel haltu di kosto di labor na Kòrsou. E merkado simplemente no tei mas. E kombinashon di sera e ekonomia internashonal (turismo) kombiná ku sera 55% dje fuente di konsumo lokal, tabata e desishon mas malu ku ekspertonan na MEO por a konsehá nan minister.  Drentando 2021, tabatin ménos keho, pero awor ku e Lockdown a bolbe bini, no tin duda ku tur kos ta bai klèm.

Login