Back to Top
Vigilante banner image

Kompanianan seguro ta suspende kontrato ku Co-med


June 20, 2024 • 1 minüt pa lesa

BREDA—Tur kompania di seguro basiko a suspende kolaborashon ku e kadena di dokternan di kas Co-med.

E kontrato a keda suspende. E seguronan ta bai buska un otro praktika di dokte pa e míles di pashentnan. Ayera e kuater seguronan grandi CZ, VGZ, Menzis i Zilveren Kruis a denunsia e kadena di dokternan di kas komersial pa inkumplimentu ku palabrashonnan. E okupashon na e praktikanan tabata minimal. Ayera a suspende e kontrato. Ku suspenshon di e kontrato e pagonan tambe por stòp. Co-med tin 50.000 pashènt repartí riba 10 ofisina den henter Hulanda. E pashentnan mas vulnerabel ta haña prioridat pa un dokter nobo. Ta traha na solushon struktural pa tur pashènt ku ta inskribí na Co-med. Segun e seguronan Co-med no por garantisá bon kuido konstante. Ta trata prinsipalmente e roster di e praktikanan. Pa basta tempu tin kritika riba Co-med. Inspekshon di Salubridat a tuma medidanan den aprel serka e praktikanan di dokter. Asina Inspekshon a konkluí ku e praktikanan no tabata alkansabel denter di 30 sekonde, ku ta forma risiko grandi pa seguridat di pashentnan. Ademas Co-med tin problemanan finansiero. Varios kreditor a meldu na e kompania, eks-trahadonan ku no a risibi pago. Segun Co-med ta trata di pagonan di un kompania sosio ku a bai bankarota.

Login