Back to Top
Vigilante banner image

Kompensashon energia ta kosta 900 mion den yanüari


January 20, 2023 • 1 minüt pa lesa

DEN HAAG—Kompanianan di utilidat a pidi adelantonan di e limite di preis energia di 900 mion euro pa e luna di yanuari.

Ku e plaka e kompanianan por tene e tarifa di energia abou na 1,45 euro pa kubiko gas i 0,40 euro pa kilowatt ora elektrisidat te un uso determiná. A base di petishonnan gobiernu (Rijksdienst Ondernemend Nederland) ta konkluí ku 70% di kasnan por benefisia di e areglo den yanüari. E sobra 30% ta konsistí di diferente gruponan. Asina tin klientenan ku ta paga tarifanan mas abou kaba, tarifanan dinamiko. Tambe tin hendenan di kua a blòkia nan konekshon. Gobièrnu tin otro areglo pa nan. E adelanto vorskòt mensual di gobièrnu ta keda determiná a base di kalkulashon di uso anual dividí den 12. E suma di 900 mion euro pa yanüari no ta bisa hopi den e gastunan di henter 2023. E gastunan mensual por fluktua hopi a base di desaroyo di e tarifanan. E preis di gas riba merkado Oropeo a baha den último simannan. Hopi kompanianan di energia a basa nan tarifa aktual riba un preis mas haltu di último lunanan, pasobra nan a kumpra e gas kaba pa un preis mas haltu. Pero si e preis di gas keda abou, ta pronostiká ku mas kompania ta baha nan tarifanan, posiblemente bou di e limite di preis. Djárason  e promé kompania di energia a anunsia ku ta baha e tarifanan variabel pa klientenan nobo te bou di e límite. Si e tendensia sigui, e limite ta bai kosta gobièrnu ménos ku 900 mion euro di yanüari. Mas chikí e diferensia entre tarifanan di merkado i tarifanan di e limite (plafònt), ménos gobièrnu mester paga e kompanianan.

Login