KONTENTU: riba e foto, Gysha Sulvaran den reunion ku Manuel Almanzar Perez (mei mei)  di Super Meridiano i Luis Moreno di Sambil Kòrsou.

Punda—Kòrsou lo risibi un kobertura èkstra pa internashonalisá Festival di Tumba. E programa mas popular di Repúblika Dominikana durante orario di mèrdia, Super Meridiano ta rumbo pa Kòrsou.

Djabièrnè último, Gyadisha Sulvaran di KONTENTU a reuní ku produktor di e show, Manuel Almanzar Perez pa inisiá e planifikashon di kontenido pa un show na Kòrsou. Luis Moreno di Sambil Kòrsou tabata invitá pa e reunion unda e sentro komersial ta duna sosten pa krea mas alternativa di produkshon i presentashon. Atkishon di Super Meridiano ta un logra importante den kuadro di promové Kòrsou den área di Karibe i Latino Amérika.

Super Meridiano, ta un show diario notisiero kombiná ku farándula, kual ta pasa na e.o. Super Canal di Repúblika Dominikana. Tabata durante final di siman u un delegashon di periodista a bishita Kòrsou riba invitashon di Elvis Reynoso, representante di Ara Jet, kual kompania a kaba di anunsiá nan ruta pa Kòrsou.

E intenshon ta bai trese e host di Super Meridiano Irina Pequero kompañá pa mas presentadónan di e show pa Kòrsou durante dianan di Festiva di Tumba. Durante e siman, Super Meridiano asistí pa KONTENTU Studios di Kòrsou,  lo hasi diferente grabashon durante e festival di tantu músikonan komo públiko. Ta graba e show pa 2 ora na Kòrsou presentando kontenido riba turismo entre e dos islanan. Tambe lo presentá entrevistanan komersial pa duna kompanianan na Kòrsou i Repúblika Dominikana oportunidat di eksplorá posibilidat entre e dos paisnan.

KONTENTU ta un kas produktor di kontenido pa promové lasonan komersial entre Kòrsou, Latino Amérika, Karibe i pronto Oropa. E kompania resientemente a risibi rekonosementu na Medellin serka e agensia di invershon ACI, miéntras pa Gran Marcha 2022, KONTENTU ta firmando un akuerdo pa bolbe trese Tele Medellin Kòrsou.