WILLEMSTAD,– Resientemente Komishon Sentral di Parlamento a deliberá ku Kontrolaria General enkuanto e rapòrt “Financiële positie van de gesubsidieerde instellingen over de jaren 2016 tot en met 2020”.

Willemstad,– Resientemente miembronan di Parlamento a bin huntu den un Komishon Sentral pa risibí un presentashon di Kontrolaria General (ARC) relashoná ku e rapòrt “Financiële positie van de gesubsidieerde instellingen over de jaren 2016 tot en met 2020”.

Despues di e presentashon, miembronan di parlamento a hasi vários pregunta na e delegashon di Kontrolaria General. Vários miembro a ekspresá nan preokupashon pa e echonan ku Kontrolaria General a konstatá den nan rapòrt. Mirando e índole di e pregunta- i remarkenan, Kontrolaria General a pidi algun siman di tempu pa por prepará e kontestanan.

Presidente di Parlamento Charetti America-Francisca a skòrs e reunion te un próksimo aviso.

Meta di e investigashon ta pa duna Parlamento i ministernan un bista di e desaroyo di e posishon finansiero di e instansianan supsidiá durante e último añanan. Alabes e posishon finansiero di e instansianan, kompará ku resultadonan di investigashon hasí anteriormente dor di ARC i medidanan ku e ministerionan a tuma pa por manehá posibel riesgonan.