Back to Top
Vigilante banner image

Kòrsou a blackout Perú 17 pa 2 den 5 inen


June 29, 2021 • 2 minüt pa lesa

Willemstad,– E selekshon di Kòrsou ayera un biaha mas a laga sa ku su batenan ta kayente ora ku nan a blackout e ekipo i Perú ku e skor di 17 pa 2 den un wega ku a bai apénas 5 inen. Esaki ta di tres edishon di Kopa di Beisbòl di Karibe ku e aña aki ta dediká na memoria di Higinio Velez Carrion

Nelmerson Angela a habri pa e selekshon di Kòrsou i a tira un wega fásil, apesar ku el a tuma un homerun den di dos inen. Porsierto Angela a tuma e dos kareda nan di kual unu tabata den promé inen i e otro tabata den di dos entrada. Frensley Leito ta esun ku a tira den e último entrada pa Kòrsou.

Den e wega di ayera Aldair “Adicho”  Daal tabatin un homerun over di fèns, miéntras ku Riordan Windster tabatin un homerun den parke. Aldair Daal tabatin tambe un tripel bari base miéntras ku e wega a terminá ora ku Phildrick Llewelyn konektá tripel bari base pa empuhá e tres kareda ku a pone e wega riba blackout den bòm di sinku inen.

Aldair Daal a bai di 3-2 ku 4 kareda empuhá i Phildrick Llewelyn a bai di 3-3 ku 3 kareda anotá i 3 kareda empuhá. Stephen Vidal tambe di 3-2 ku 3 kareda empuhá.

Pa Perú Rider Roberto Zevallos Fuentes a bai di 2-2 ku un kareda anotá i Roberto Paulo Ayarza Murillo tambe a bai di 2-2 ku un kareda anotá i un empuhá di kual un di su hitnan tabata un homerun solitario. Juan Pedro Casas Urbina a habri i karga ku e derota komo picher.

KONTINUASHON

Pa awe no tin wega, miéntras ku pa djarason 3’or Virgin Island ta topa ku Perú i pa 8’or anochi Kòrsou i Cuba lo midi forsa pa di dos biaha den e torneo. Pa djaweps Cuba lo enfrentá Virgin Island i anochi 8’or ta Kòrsou kontra Perú.

Djabièrnè a buèlta regular ta terminá ora ku Peru i Cuba topa otro den un programa dòbel i 8’or anochi ta sera e ronda regular ku e wega di US Virgin Island kontra Kòrsou.

DJASABRA

Djasabra e torneo lo klousura ku dos wega ora ku pa 3’or nos haña e wega pa di tres i kuater lugá ku probablemente lo ta entre Virgin Island i Peru i e gran final lo ta 8’or di anochi i ku tur probalidat lo bai entre Kòrsou i e ekipo di Cuba.

STANDING

PAISWGWP
Cuba20
Kòrsou21
Perú12
Virgin Island02
Login