Back to Top
Vigilante banner image

Kòrsou Karibe ta blankea Nicaragua 2 pa 0


August 17, 2022 • 1 minüt pa lesa

Williamsport,– E selekson di Little League Kòrsou tabatin honor di habri e kampionato mundial di Little League na Williamsport kaminda den un tremendo duelo di picheo finalmente Davey Jay Rijke a sali si porta grandi blankeando Nicaragua i nan picher estelar Garcia ku e skor di 2 pa 0.

Tabata un tremendi duelo kaminda e picher di Kòrsou a saka 14 di e 16 outnan ku el a saka pa medio di ponche mientras ku Garcia a poncha 10 di e bateadó nan di Kòrsou. Reangelo de Caster a relevá pa Kòrsou i saka e ultimo dos outnan pa salba e partido. Na bate pa Kòrsou Kyshore Hinkel a bai di 3-2 i un kareda empuha i e otro kareda a keda empuhà pa Jaylliard Emperador, mientras ku e dos otro hitnan a ser konektá pa Deshawn Bonafasia i Shemar Jacobus.

PROKSIMO WEGA.

E proksimo kompromiso di Kòrsou lo ta mañan 1.or di mèrdia kontra di Panama den Volunteee Stadium. Korsou awor ta sigui den e buelta ganadó. Tur wega lo ta transmishon di ESPN ku tin e derechonan pa transmiti e weganan di mundial na Williamsport.



Login