Back to Top
Responsive image
E korant di pueblo

Kòrsou lo hunga kontra British Virgin Islands na Guatemala


May 8, 2021 • 2 minüt pa lesa

WILLEMSTAD—Nos selekshon nashonal di futbòl, lo hunga riba djasabra dia 5 yüni benidero na Guatemala. Lo bai ta nos penúltimo wega, bálido pa e promé buèlta klasifikatorio di Concacaf, pa mundial di futbòl FIFA, ku lo hunga na Qatar otro aña.

Un ke otro unda ku nos selekshon nashonal dirigí pa Guus Hiddink, ta parti di Grupo C, huntu ku e ekiponan nashonal di Cuba, Guatemala, St. Vincent & the Grenadines i tambe British Virgin Islands.

Despues ku ya Kòrsou a hunga 2 wega, unda ku respektivamente na mart último, nos a gana di St. Vincent & the Grenadines 5-0 na Kòrsou i di Cuba 2-1 na Guatemala, na luna di yüni próksimo nos lo hunga nos último 2 weganan.

Djasabra dia 5 yüni nos lo topa British Virgin Islands, ku lo hunga nan wega di kas na Guatemala, despues ku nan promé 2 weganan tabata na Kòrsou, na mart último. Tereno di stadion nashonal di Guatemala Doroteo Guamuch Flores, na e suidat di Guatemala lo bai ta esenario pa e enkuentro aki. Ta trata aki di tereno i stadion, unda ku Kòrsou a enfrentá e selekshon di Cuba resientemente.

Apesar di no tin chèns pa klasifiká, nan lo trata na despedí ku honor. Concacaf ya ta trahando tambe kaba riba e último detayenan pa ku e transmishon i alabes akreditashon pa prensa pa e partido aki.

Tur esaki debí ku e ekipo aki, lo no por hunga su weganan di kas na kas mes, debí na e restrikshonnan imponé pa gobièrnu di e pais, relashoná ku e pandemia.

Ku esaki tambe Kòrsou lo bolbe mira akshon na Guatemala, nèt algun dia promé di topa Guatemala den wega desisivo

Finalmente riba djamars dia 8 yüni, ku ta eksaktamente awe na un luna, nos lo mester enfrenta Guatemala, den wega programá pa mira akshon na Kòrsou.

Login