PDVSA: PDVSA i gobièrnu di Kòrsou tin por lo ménos 2 aña sin topa ku otro.

Punda—Miéntras turismo i refinashon di krudo sigui abou, Kòrsou su depósito di divisa ta sigui dependé di lokual Hulanda manda na sosten finansiero. Durante 2020 esaki tabata un suma di 670 mion florin kual a wòrdu depositá den “euro” riba kuentanan na Banko Sentral.

Konforme un rueda di prensa ku direktor general na Banko Sentral Jose Jardim a duna, e fluho di finansiamentu a mantené i drecha i depósito mínimo rekerí di divisa na Kòrsou. Pero mester tene na kuenta ku miéntras refinashon di krudo, bunkering i turismo ta inaktivo, Kòrsou lo sigui dependé di e “Euro for di Den Haag”.

Ménos aktividat petrolero durante 2021 lo bai kompania huntu ku mas faktor. Un kresementu den importashon di material di konstrukshon na Kòrsou ta kontribuí na e oumento den importashon i salida di divisa.  Kaidanan den eksportashon neto ta resultado di un bahada den eksportashon kombiná ku mas importashon. E fluho di kapital ku ta sali a konsekuensia di esaki, ta resultá den un bahada di e reserva bruto ofisial

Riba merkado di konsumo, efektonan den makro ekonomia tei afektá mikro ekonomia. Toko, fruteria i demas kompra por detal tei sinti efektonan . E trènt aki lo kontinuá durante 2021. Prinsipalmente, produktonan di konsumo di luho, tei sinti un bahada serio den demanda. Mester tene kuenta ku kondishonnan imponé pa COHO, tambe tei afektá e merkado di konsumo lokal.