Eelco Heinen: minister eksponente pa VVD, minister di finansas nobo pa Hulanda.

Skalo— Kòrsou no ta bai generá sufisiente divisa via di e.o. Turismo, pa mantené un bolsa sufisiente pa garantisá importashon, konforme e kota ku Banko Sentral ke mantené na 3 luna di provishon riba depósito di divisa. Segun presidente di Banko Sentral, Richard Doornbosch por spera prekupashon pa 2027.

Banko Sentral ta premirá un posibel problema den kobertura di importashon na 2027. Esaki ta lokual presidente direktor di Banko Sentral, Richard Doornbosch a duna di konosé na desèmber 2023, último. Un problema den kobertura di importashon ta nifiká ku Kòrsou no tin sufisiente divisa pa finansiá òf paga produktonan importá. E problema si e manifestá ta stanka finansiamentu komersial.

Un kantidat di 48 Instituto Finansiero den e Unidat Monetario entre Kòrsou i St. Maarten ta kubriendo un suma di 27 bion florin na aktivo. Segun Jardim, por lo general e indikadónan riba Stabilidat Finansiero den sektor bankario ta positivo, unda por a nota kresementunan leve en general, miéntras den sierto sektornan partikular manera Seguro General ta notando bahada. Pa lokual ta trata ekstenshon òf dunamentu di krédito, Jardim a bisa ku en general den Unidat Monetario tin espasio pa fia i hasi krédito. Esei ta enserá ku tin espasio den e plafon di krédito den Unidat Monetario. Anke no ta tur 48 Instituto Finansiero ta pafó di problema. Den e Unidat Monetario tin instituto ku problema pero ayera Jardim a bisa di no ta bai den detaye di esaki. Si na 2027, Kòrsou (kontribuyente na Union Monetario) no generá sufisiente divisa, e struktura finansiero bankario tambe ta sinti efekto.

Na e momentonan aki, tin duda riba e fluho di divisa pa kubri kota di importashon na 2027. Kompará ku Covid te na e momentonan aktual, e kobertura a baha di 7 luna te ku algu bou di 5 luna. Esaki debí ku Kòrsou no tabata produsí sufisiente divisa i ainda tin efektonan positivo for di e fiansa di 911 mion florin, konvertí den dòler, pa finansiá Covid. No ku mester ta un problema, pero tin motibu si di prekupashon na 2027.