Vanessa Toré di MEO a indiká ku tin hopi oportunidat den sostenibilidat i algun proyekto ta tumando lugá kaba na Kòrsou.

Willemstad, — Dia 17 di novèmber UoC a tene un evento ‘The Future of Sustainability’ huntu  ku presensia di otro kompanianan i tambe studiante. Aki sra Vanessa Toré di MEO a duna presentashon di e situashon di e medio ambiente aki na Kòrsou.

Vanessa Toré di ministerio ekonómiko a menshoná  ku Kòrsou ta hopi fuerte den eksportashon i ke fortifiká esaki. E enfoke riba e impakto di kambio di klima riba Kòrsou ta un preokupashon kresiente.  Vanessa Toré a menshoná ku kambio di klima ta un echo i esaki ta afektá islanan muchu mas lihé por ehèmpel dor ke esaki por keda afektá dor di nivel di awa, dañonan dor di klima ku ta kosta sèn, kalor, i laman ta kalentando. Segun Vanessa Toré islanan vulnerabel, hopi biaha no tin e fondo pa atendé ku e solushonnan.

Tambe Toré a indiká ku fondonan na nivel internashonal tampoko no ta aksesibel pa islanan. Tin ku hiba algun diskushon den reino tokante di aksesibilidat di fondo pa islanan. Vanessa Toré a menshoná ku awor aki, si nos yega na 1.5 grado na mundu, nos ta den problema i mester evitá esaki. Ya kaba nos ta na 1.1 grado i nos ta sintiendo e efektonan kaba di por ehèmpel kalor. Islanan ta vulnerabel , pero por mitigá e dañonan por medio di resilensia ku ta kedá ankrá den pólisanan, plan nan i manehonan, segun Vanessa Toré ta splika.

Vanessa Toré a indiká ku tin hopi oportunidat den sostenibilidat i algun proyekto ta tumando lugá kaba. Esaki ta enserá green hydrogen, waste energy, solar energy, mobility kual ta kosnan ku ta tumando lugá kaba na Kòrsou. Den esaki Vanessa Toré  a indiká ku ta importante pa krea empresanan ku tin salubridat i kuido di naturalesa komo prinsipio. Vanessa Toré a duna di konosé ku nos tin tiki konosementu di por ehèmpel laman komo un fuente di rekurso òf kuminda i ta bon si bin un enfoke den desaroyo di sostenibilidat aki na Kòrsou.