Back to Top
Vigilante banner image

Korte a bolbe rechasá medida kontra reunifikashon di famia


December 23, 2022 • 1 minüt pa lesa

DEN HAAG—Hues a bolbe determiná ku e medida kontroversial ku ta stroba reunifikashon di famia temporal, ta ilegal.

Un turko ku status legal ku kier a buska su famia bin Hulanda a haña rason. Asina e veredikto ta dikta den e prosedura di fondo ku e refugiado politiko turko a entama. Hues a determiná ku ta duna e famia di e hòmber un outorisashon pa estadia temporal. Esaki ta un dokumento ku e famia ku dos yu por drenta Hulanda. Korte ta di opinion ku e regla nobo di gabinete ta viola e lei di imigrashon hulandes, e reglamento di reunifikashon di famia, e tratado Oropeo pa protekshon di derechonan humano, derechonan fundamental di Union Oropeo i e tratado internashonal di derechonan di mucha. Esaki ta promé biaha ku korte ta duna un veredikto riba e desishon a base di medida di reunifikashon. Ainda tin posibilidat di apelashon na Raad van State. E hues na Haarlem a husga dia 5 desèmber den kaso di un dama sirio tambe ku no tin base legal pa e restrikshon di viahe pa unifikashon di famia. Su miembronan di famia mester a keda atmití mésora den Hulanda segun orden di hues. Nan no mester a warda 6 luna.

Login