Back to Top
Vigilante banner image

Korte a kuestioná Jorge su paradero riba 5 di mei 2013


March 6, 2021 • 1 minüt pa lesa

Nieuwe Haven—Ayera a sali na kla ku Korte di Apelashon a pone importansha na paradero di Jorge Jamaloodin riba 5 di mei 2013, den oranan di atardi prome i despues ku Helmin Wiels a fayesé. Korte ta konkluí ku Jorge a kambia su deklarashon a krea duda riba e punto aki, ku segun nan tabata importante.

Durante tratamentu den Promé Instansha, Jamaloodin a bisa ku e tabata na sine riba e dia ku Helmin Wiels a fayesé. . E la pasa na Marie Pampoen i tabatin hopi hende. Un hende a bisé ku nèt nan a tira Helmin Wiels. E tribunal tabata ke pa Jorge Jamaloodin splika unda e tabata riba e dia en kestion. Segun korte, Jamaloodin a duna diferente vershon. Ta asina ku na promé instante, Jamaloodin a ninga di a pasa wak na Marie Pampoen.

Durante tratamentu den Apelashon e eks minister a splika ku e la bai movies ku su yu muhé i amiga. Nan tabata pa bai restorant na Gustos, banda di Mambo Beach. Na Marie Pampoen nan tabata den fila i su yu muhé a puntr’é, “Papa kiko ta pasando”. Nan mes tabata basta leu,pero debí ku tabatin dos ambulans e la bisa su yu chèns ta grandi un hende a hoga pasobra tabatin reanimashon.   Promé durante interogashonnan entre 2012 pa 2014 e la duna diferente deklarashon. Pero esei tabata pa protehá su yu pa nan no interog’é. Segun Jamaloodin a deklará durante tratamentu.  

Login