Back to Top
Vigilante banner image

Korte Hulandes ta ordená Shell pa redusí emishon ku 45% pa 2030


May 27, 2021 • 1 minüt pa lesa

Den Haag,– E kompania Hulandes den merkado di krudo a haña orden di wes pa redusí su emishon di CO2 ku 45% pa asina kontribuí na un mihó medioambiente.

 Kompania mester kòrta emishon di CO2 ku 45% den 9 aña pas asina nan ta riba e mesun nivel ku e akuerdo di Paris pa loke ta trata medioambiente. Direktor di “Friends of Earth Netherlands” a bisa ku esaki ta un viktoria monumental.

E desishon di korte na Den Haag lo trese implikashon pa loke ta trata kasonan kontra di kompanianan di krudo. Abogadonan di Shell a duna di konosé ku nan lo apelá e desishon di korte na Den Haag.

Segun abogado di medioambiente Joana Setzer, esaki ta e promé biaha ku un kompania ku ta operá den e merkado di krudo a pèrdè un kaso kontra di fundashon nan di medioambiente.

Durante tratamentu di e kaso, abogadonan di e fundashon nan di medioambiente a trese dilante ku Shell ta kibra ku lei na momentu ku nan no wòri ku derechi básiko di humano. Segun database di CO2, Shell ta na e di 9 puesto pa loke ta trata kompanianan ku ta emití ma CO2.

Apesar ku Shell tin un meta pa redusí emishon di CO2 ku 100% pa 2050, segun wes Larisa Alwin na Den Haag, e meta aki no ta sufisiente konkreto, ademas e meta di Shell ta monitoriá e desaroyo sosial i no e kompania su mes responsabilidat pa redusí CO2.

Korte na Den Haag a duna Shell e libertat pa nan mes determiná kon nan lo redusí nan emishon ku 45% den 9 aña.

Login