Nieuwe Haven– Korte di promé instansha di Kòrsou a dikta sentensia den e kaso di aksesibilidat pa publiko di e playa na Marriott hotèl. Den e prosedura e operador di e hotèl ta afirmá e punto di bista ku e playa mester ta habrí pa públiko solamente den dia, pero ku anochi e por ta será.

País Kòrsou ta di opinion ku restrikshon di aksesibilidat di playanan ta solamente posibel pa medio di reglamento legal. Den e prosedura aki País a ser sostené pa un fundashon ku ta atendé e interesnan di e habitantenan di e barionan Piscadera i Parasasa. Korte a sentensiá ku den e kaso di Marriott e reglamento legal (nobo) den kódigo sivil relashoná ku aksesibilidat di playanan no ta konta sin mas. E reglamento aki no tabata eksistí ainda na momentu ku e operador anterior di e hotèl a optené un derecho di èrfpagt i por a sera e playa i a sera esaki pa públiko. Na momentu di traspaso pa e operador nobo e aksesibilidat di e playa – durante di dia – hustamente a ser ampliá, no limitá. Segun e hues, den e negosashonnan tokante e traspaso di e operashon di e hotèl, a logra un akuerdo ku e hotèl komo operador di e playa, por sera e playa anochi, manera a ser palabrá tambe ku Pirate Bay (antes Hook’s Hut) ku ta keda den serkania (Komunikado emiti pa Korte di Hustisia)