Back to Top
Vigilante banner image

Korte ta duna veredikto peligroso pa kontinuidat di Refineria


July 19, 2022 • 1 minüt pa lesa

Schottegat– Un desishon den Korte di Promé Instansha tei afektá kontinuidat di Refineria Isla. E kaso aki ta referí na e asuntu si pais Kòrsou a aktua ilegalmente pa ku Clean Air Everywhere, kuidando di manera insufisiente e kalidat di e aire den e zona di Schottegat.

Korte di Promé Instansha pa di dos biaha ta dikta un fayo kontra di gobièrnu. E promé veredikto ku tambe a bai apelashon despues tabata riba 26 di ougùstùs 2019. Den e veredikto ei a keda konkluí ku gobièrnu a aktua ilegalmente dor di no kuida sufisientemente e kalidat di e aire den área di Schottegat, lokual a konstituí un violashon di artíkulo 8 di e kombenio oropeo di derechonan humano. Ademas, den e veredikto na 2019, ku awe a kasi keda ratifiká, korte komun a dikta ku pais mester garantisá ku den e tempu di un aña, e normanan di e World Health Organisation pa e “zwaveldioxide i fijnstof” keda apliká òf e normanan nobo establesé pa pais Kòrsou.

Pais Kòrsou no tabata di akuerdo ku e promé veredikto aki i a apelá kontra di dje. Den un sentensia despues durante apelashon, Korte a konfirmá e sentensia di korte di promé instansia den tur aspekto. Kuminsando 1 di sèptèmber 2020, e “ministeriele regeling” ta kuminsá konta for di 10 di ougùstùs 2020 pa establesimentu pa loke ta e kriterionan estétiko pa e kalidat di aire den aplikashon di artíkulo 2, insiso dos di órden públiko lo mester keda apliká.

Gobiernu a trata na desvia for di normanan di WHO den su preparashon i Clean Air a bolbe bai wes i ayera ta bolbe gana. Ku e sentensha e siguiente operadornan di Isla mester mantené e kalidat di aire i protehá komunidat. Un desaroyo ku por kousa mas retraso den re-apertura di Refineria Isla.

Login