Gregg Becker: futuro di Ennia ta den man di Gregg Becker

Nieuwe Haven—Ayera Korte di Apelashon a duna un veredikto pa finalmente inisiá e proseso pa yega na un balor balansá i imparsial di Mullet Bay na St. Maarten. Den un veredikto intermediario, korte presidí pa hues mr Geloven, a mantené e daño na 270 mion florin i duna un kompania ku yama Colliers, derechi pa balotá Mullet Bay

Colliers, segun Korte den nan veredikto ta un kompania renombrá i no tin motibu pa duda den nan kapasidat. Ta trata di un kompania proponé pa Ennia Caribe Holding. Korte a yega na e desishon despues ku grupo Ansary i Ennia no tabata por a yega na un konsenso, ken mester balotá Mullet Bay. Riba 23 di Yanüari, Ennia a proponé pa nan kolega Greg Becker hasi e balotashon. Becker a bai balotashon rònt mundu for di kual 43 estado den Estádos Unídos i hopi isla karibense. Entre nan e la balotá diferente proyekto durante prosesonan di bankarota inkluso marina i kanchanan di gòlf.

E tarea di Colliers ta bira pa duna Korte di Apelashon den kaso Ennia un balor di Mullet Bay. Komo referensha Colliers por uza e rapòrtnan anterior komo un base pa nan evaluashon. Korte a duna Colliers bastante libertat pa apliká e métodonan ku e ta haña práktiko pa yega na un balotashon. Korte a imponé riba Colliers e obligashon konforme lei pa pasa riba e tereno ku e partidonan konserní huntu ku nan abogadonan. Durante e paseo, partidonan por anotá nan deseonan te na konsiderashonnan rasonabel. Esaki ta nesesario pa Colliers por hasi anotashon di deseonan for di e partidonan, esta Ennia i grupo Ansary.

Konkluyendo riba e veredikto intermediario, e daño na Ennia no ta 1.2 miar sino 270 mion florin i ta apuntá sr. Greg Becker pa balotá Mullet Bay. Riba 24 sèptèmber e kaso ta subi ròl pa tratamentu. Durante e seshon partidonan por pone nan kondishonnan of demanda bou di kual ta kuminsá balotá Mullet Bay. Tambe korte a rechasá defensa di Hushang Ansary, Ralph Palm i Abdallah Andraous pa eksonerá nan di paga e daño okashoná a konsekuensia di nan desishon durante maneho na Ennia Caribe Holding.