Back to Top
Vigilante banner image

Ku 10 premio èkstra di Fl. 2500.00: Sorteo bièchi 2104 ta sigui dia 10 di yüni 2021


May 18, 2021 • 2 minüt pa lesa

Willemstad, Kòrsou – Manera Landsloterij a bin ta anunsiá riba media social, e sorteo di e premio mayó di 500.000 florin posponé dor di e desaroyonan rondó di e vírus di COVID-19 ta sigui otro luna dia 10 di Yüni 2021. Pa e motibu aki Landsloterij mester a  kanselá 4 sorteo. Debi ku Landsloterij a habri su porta nan bek i sorteo 2104 por kontinuá, Landsloterij kier a selebrá algu espektakular pa nos kumpradónan di bièchi ku pa hopi aña ta sostené Landsloterij.

Durante e sorteo di 10 yüni 2021, lo saka 10 premio extra ganadó ku kada un lo gana FL. 2500. Huntu ku e premio aki lo bai tin tambe e premionan ku a kustumbrá kuné durante e sorteonan. Manera ta kustumber lo tin premionan atraktivo pa di dos i tres ganadó, respektivamente FL. 100.000,- i FL. 50.000,-, mas un gran kantidat di otro premionan efektivo. Brièchinan ku  Klientenan ku a kumpra, promé ku e “lockdown” ta keda válido pa e sorteo di 10 di yüni 2021.

Periodo di grasia
Tur persona ku tin un brièchi pa troka ku a kaduká durante e periodo ku Landsloterij tabata sera (1 di 10 mart te ku 31 di mei 2021) tin un periodo di grasia te ku dia 1 di yüli 2021 pa troka e Bièchinan aki.

Entrante 18 di mei 2021 Landsloterij ta habri su portanan bèk pa troka premionan ganadó i bende bièchi na rebendedónan. Landsloterij kier a rekordá tur rebendedónan di Kòrsou riba e opshonnan mas rápido, safe i lihé pa kumpra brièchi, entre otro: pedido via di telefòn, via di e sistema di Whatsapp, of dor di por depositá pedidonan den e buzon na Landsloterij  Rebendedónan por rekohé nan pedido na lokèt,  via drive thru  òf hasi uzo di Landsloterij su servisio di entrega di brièchi “delivery” te na kas. Ta rekordá tur rebendedó tambe ku Entrante 18 di mei, temporalmente no ta posibel pa kumpra brièchi dirèkt na lokèt di Landsloterij.

Pa mas informashon over di Landsloterij i su sorteo 2104 di dia 10 di Yüni próksimo bishitá nos website www.landsloterij.org, nos página di Facebook, sigui nos riba nos paginá di Instagram of hasi nos un yamada na 4624088.

Login