WILLEMSTAD,– E kompania di aviashon Winair, ku su sede prinsipal na Sint Maarten, a firma un akuerdo di koperashon ku Surinam Airways (SLM) di Sürnam.
Via di e kolaborashon aki pasaheronan por biaha ku un solo pasashi awor pa diferente destino ku ta wòrdu sirbí parsialmente pa SLM i parsialmente pa Winair.
Bou di e akuerdo nobo aki, e pasaheronan di SLM ku ta yega Kòrsou for di Sürnam por kontinuá nan biahe pa Sint Maarten riba mesun dia i tambe nan por konektá ku e ret di Winair ku ta kubri ruta nan manera Sint-Eustatius i Saba.
Ámbos aeroliña ta primintí un proseso di reservashon efisiente i mihó konektividat pa nan pasaheronan.