Willemstad,– Den un video publiká den e último oranan, Gerrit Schotte, riba un video riba Facebook a duna di konosé ku Orcobank a blòkia su kuenta bankario kaminda e tabata risibí donashon riba dje.

Úlitmo dianan e èks promé Minister a hasi un yamada na su siguidónan na yud’é paga un suma di 1.8 mion florin ku e ta debe Ministerio Públiko pa su kondena. Vários publikashon riba facebook Schotte a duna di konosé ku e donashon nan ta baiendo den e direkshon korekto kual aktualmente a suma un total di 21 mil florin.

Den e último video publiká riba Schotte su Facebook, Schotte ta duna di konosé ku den transkurso di mainta el a risibí mas ku 10 mil florin banda di e 20 mil florin ku el a risibí promé ku esaki. Den e mesun rosea Schotte ta duna di konosé ku Orcobank a blòkia su kuenta pa risibí transferensia bankario. Schotte a tuma nota di esaki na momentu ku diferente hende tabata mand’é Whatsapp kaminda e transferensia no ta logrando.

Tambe Schotte ta duna di konosé ku esaki tabata su ultimo kuenta bankario i e ta den e proseso pa kuminsá un kaso kontra di e banko.