E kantidat total tabata di 628 kilo di kokaina, den 21 diferente bulto.

BOGOTA – Outoridatnan kolombiano a haña un total di 628 kilo di kokaina ku tabata keda transportá den un lancha rápido den Karibe i a detené kuater dominikano i un venezolano.

E komandante di Forsa di Tarea Kontra Narkotráfiko No.73, e kapital Manuel Luna, a indiká ku ora el a nota presensia di outoridatnan, e sinku tripulantenan di e embarkashon a intentá di hui, realisando maniobra nan evasivo, pa kua a kuminsá mesora ku un persekushon.

Despues di inspekshoná e embarkashon, a haña 21 diferente bulto ku tabata kontené 624 pakete rektangular similar na kua a keda uzá pa narkotrafikantenan transportá kokaina.

E personanan i e material hañá a keda poné na disposishon di outoridatnan kompetente pa asina kontinuá ku e kaso i investigashonnan nesesario den e prosedimentu aki.

Den e operashon, tabatin partisipashon di warda kosta, Aviashon Naval i tambe Forsa Aéreo Colombiano, ku kua a logra blòkia e embarkashon di forma marítimo, kua tabata destino Repúblika Dominikana.

Armada kolombiano a haña 49.5 tòn di kokaina i 21.5 tòn di mariwana den operashonnan realisá entre yanüari i mart di e aña aki. Esaki na diferente sitionan di e pais.