Na 2023, manera menshoná tabatin un kresementu promedio di 4% kompará ku un kresementu (inhaalgroei) di 8% na 2022 den e Union Monetario. Apesar di e kresementunan tòg fiansa komersial no a oumentá.

Skalo—Segun sifranan di Banko Sentral, na nivel makro ekonómiko Kòrsou a konosé ménos fiansa komersial durante 2023. Esaki nan a konfirmá den nan relato riba e Stabilidat Finansiero Estatal. Ta trata un kompilashon riba e nivel di riesgo i siguridat den sirkulo finansiero na Kòrsou.

Kòrsou simplemente tin ménos fiansa komersial na 2023. Segun Presidente Direktor na CBCS, Richard Doornbosch  na 2023 tabatin ménos fiansa komersial, apesar ku Kòrsou ta konosiendo un kresementu ekonómiko di alrededor di 4%. Esaki segun Doornbosch ta un situashon notabel pasobra den un ekonomia kresiendo, supuestamente  mester tin kresementu di e fiansa komersial. E Presidente Direktor no tabata por a duna e sifranan for di kabes, pero e la afirmá ku miéntras nivel di fiansa komersial ta bahando a nota tambe un kresementu den fiansa hipotekario. Esaki por tin relashon ku oumento den sektor di konstrukshon lokual ta korelá ku e oumento den fiansanan hipotekario.

Na 2023, manera menshoná tabatin un kresementu promedio di 4% kompará ku un kresementu (inhaalgroei) di 8% na 2022 den e Union Monetario. Apesar di e kresementunan tòg fiansa komersial no a oumentá i hasta bira ménos kompará ku 2022, segun Doornbosch. Dos desaroyo positivo mas ku Doornbosch a menshoná ayera tabata mas bahada den desempleo kompará ku 2022 di 12% pa 10.6% durante 2023. Miéntras inflashon tambe a baha na 2023 te na3.2%. Sektor bankario tambe a konosé desaroyonan positivo. Segun e sondeo di Banko Sentral, tabatin un kresementu di krédito den sektor bankario stimulá pa fiansanan hipotekario i préstamonan kondishoná. E kresementu di krédito tabata di 3.2% durante 2022 pa 3.5% durante 2023.

Di otro banda, for di sektor komersial tin hopi reklamo riba e retraso na bankonan komersial pa aprobashon di fiansa. “E trabou di papeleo” i kumplimentunan responsabel ta formando un problema pa kompanianan lokal risibi finansiamentu.