Ronde Klip unda ladron a logra di kibra drenta den e kas.

Willemstad—- Polis mester a bai Ronde Klip pa un kiebro unda a drenta e kas bòltu tur kos den kamber pa na final hisa un televishon bai kuné. Ayera den oranan di dia habitante di un kas na Ronde Klip a bai Sali un ratu pa asina e por a kumpli ku su diligensianan.

Na su regreso e la bin tuma nota ku e bentana di kamber tabata kibra. Loke ku a strañ’é ta ku e kura ya yena ku kachó kual no ta fásil pa un stranhero por drenta e kura te pa e para kibra e bentana. Ora a logra di habri porta pa bai wak den kas a tuma nota ku esun ku a kibra drenta den e kas a bòltu tur kos den kamber buskando kosnan di balor. Ta un ravage a ser hasi den e kamber. Na final a bin tuma nota ku a kue  e televishon for di den kas bai kuné. Polis a pidi asistensia di e tim Forensiko pa asina por a hasi mas investigashon na e sitio.