ROTTERDAM—Na Rotterdam-Zuid outoridatnan polisial a deskubrí un laboratorio di droga despues di un eksploshon.

Alrededor di 3.30 por a tende un klap duru sigui pa un kandela den un kas na Terentiusstraat. Pasobra e kozijn kompleto a bula resulta riba kaya, polis ta sospechá ku ta trata di un eksploshon. Den e kas polis a haña varios droga i material pa produkshon i prosesa droga. No ta kla si ta e laboratorio di droga a okashoná e eksploshon. Esaki ta den investigashon. Polis a haña un arma tambe den e kas. No tabatin ningun persona presente durante investigashon. Komo medida di prekoushon a evakuá 12 bibienda. Despues di un ora e habitantenan por a bai bek nan kas.