Drumi: Eurlyson R.  drumí abou despues di tabata heridá.

Schottegatweg—Landsrecherche ta investigando un kaso mas riba un polis kende a tira un ladron riba 6 di febrüari último. Segun fiskal di Ministerio Públiko, mr. Bart Niks, e investigashon no a finalisá ainda.

Ta trata di un tiru ku polis a los riba e hòmber Eurlyson R. di 21 aña. Riba 6 di febrüari último, den oranan di mardugá, e la risibi un herida di bala den su pia, prosedente di polis. Den e anochi spesífiko, Eurlyson huntu ku e dos primunan, N.S (22 aña) i J.M. (22 aña) a hòrta tres tayer ku rim den área di Caracasbaai. Na dado momento polis a bin deskubrí e ladronisia i pèrsigui e tres hòmbernan ku tabata kore den un Kia Picanto. Tabata un persekushon ku a inisiá den área di Caracasbaaiweg, pasa den Santa Rosa i finalisá na Schottegatweg, na altura di Japan. Durante e persekushon e sospechosonan a benta tres tayer ku rim for di den e Kia Picanto.

https://www.facebook.com/VigilanteKorsou/videos/939696997396045 (video)

Detenshon di Raphael i e dos otronan a tuma lugá banda di Japan. Ta bin resultá Raphael a sufri un perforashon di bala for di arma di polis. Ayera fiskal di Ministerio Públiko a konfirmá ku e bala tabata for di un arma di polis. Den deklarashon na Landsrecherche, e polis a atmití di los bala, pasobra su bida tabata na peliger, pero e hòmbernan durante persekushon tabata krea un peliger serio pa tráfiko. Raphael a entrega despues un keho na Ministerio pa maltrato i abuzu polisial. E kaso ta bou di investigashon.