Back to Top
Vigilante banner image

Lesley Fer: “Gobièrnu di Kòrsou ta sigui hasi esfuerso pa protehá nos siudadanonan”


August 19, 2021 • 2 minüt pa lesa

Fer: Nos mester trata na tene e kontagio mas abou ku ta posibel

Fòrti – Ayera den oranan di mainta a tuma lugá un relato di dia relashoná ku e último desaroyonan di COVID-19 na Kòrsou. E relato di dia a konta ku presensia di Lesley Fer kende ta Direktor di Tim di Krísis, i tambe ku Dr. Izzy Gerstenbluth.

Gobièrnu di Kòrsou ta sigui hasi tur su esfuerso pa mas tantu posibel proteha nos siudadanonan i ya kaba a tuma diferente medida, esaki ta lokual Fer a anunsiá na komienso di e relato di dia. E la splika ku ta hopi importante pa nos no solamente kumpli ku e medidanan stipulá pero tambe nos trata na tene e kontagionan mas abou ku ta posibel. Por hasi esaki dor di hasi uso di tapa boka na sitionan di aglomerashon, laba man kontinuamente ku habon i awa òf husa ‘hand sanitizer.’ Si bo ta sinti síntoma di Covid, keda kas i yama bo dòkter di kas. Mas aleu, Lesley Fer a anunsiá medidanan ku últimamente a anunsiá.

Toke De Keda
Entrante djabièrnè 20 di ougùstùs, tur eksonerashon bieu di Toke De Keda ta bira inbálido. Tur instansha i funshon vital ku ta bini na remarke pa eksonerashon konforme e último Areglo Ministerial 92, mester hasi un petishon nobo via www.kalamidat.cw/covid19. E portal pa hasi petishon a habri for di djamars 17 di ougùstùs. No ta pèrmití eventonan di riesgo haltu ni mas ku 100 bishitante huntu durante e siguiente tres (3) simannan. Esaki ta un medida ku ya a wòrdu menshoná siman pasá durante e konferensha di prensa.

Horeca
Tur establesimentu ku tin pèrmit di Horeca i tambe aktividatnan di riesgo abou mester definí e kantidat ku e lokalidat por karga (te ku un máksimo di 100 bishtante). Tambe mester mantené un espasio mínimo di 3,5-meter pa persona. Por duna servisio solamente na personanan ku ta sintá òf pará na un mes i mester tin sufisiente distansha entre e mesanan.

Aktividat Sosial
Pa e próskimo tres (3) simannan no ta pèrmití ningun aktividat ni lokalidat pa risibí mas ku 100 bishante. No ta pèrmití bailamentu na ningun aktividat òf lokalidat. No ta pèrmití muzik duru na ningun aktividat òf lokalidat. E medidanan ta konta pa aktivadatnan privá i públiko.

Login