Back to Top
Responsive image
E korant di pueblo

Lotto (pa Deporte) ta bai pa siguiente gobièrnu


April 28, 2021 • 2 minüt pa lesa

Kenneth Gijsbertha: ta keda na próksimo gobièrnu si nan tei sigui ku introdukshon di Lotto sea ku Canadian Bank Note òf un otro proveedor lokal òf internashonal

Punda—Segun minister di finansas, Kenneth Gijsbertha, e aktual kabiente demishonario no tei alkansá pa introdusí Lotto pa Deporte. E minister a konfirmá ku e proseso dia aprobashon no ta bai keda kla i tei kai den man di e siguiente gobièrnu.

Rumornan insistente tabata sirkulando siman pasa ku e titular di finansa ya a firma un akuerdo ku e kompania Canadian Bank Note, kual kompania tin kontrakt ku diferente pais den Karibe inkluso Aruba i Sürnam. Riferonan lokal a keda asombrá ku e supuesto desishon, pero Gijsbertha ayera a konfirmá na Vigilante ku no ta bèrdat. Aparte di e rumor riba firmamentu, tabatin dos siman pasá bastante spekulashon rondó di nombramentunan den Hunta di Komisario na Fundashon Wega di Number, kual hunta lo ta enkargá ku e análisis final si ta bai laga entrega privatisashon di “Lotto” na Kòrsou den man di un kompania stranhero. E grupo di rifero lokal ta sospechando un “coup” riba nan merkado di loteria unda nan lo ta pèrdiendo kòntròl.

Segun Gijsbertha den un deklarashon na Vigilante “nada di bèrdat”. Segun Gijsbertha ta keda na próksimo gobièrnu si nan tei sigui ku introdukshon di Lotto sea ku Canadian Bank Note òf un otro proveedor lokal òf internashonal. Segun Gijsbertha tin un konsepto kual a keda negoshá ku Canadian Bank Note. E kompania kanades a firma e konsepto i mand’é pa Gobièrnu di Kòrsou  (Stichting Curacaose Loterijen).  Mas aleu Gijsbertha a sigui bisa ku tin diferente aspekto hurídiko ku mester atendé i tambe SBTNO mester evaluá. Pa tal motibu e gobièrnu aktual lo por finalisá e proseso i lo keda den man si siguiente kabinete.

Login