Low Martines: kla pa bai guera ku Ministerio Públiko.

Nieuwe Haven—Si ta pa Low Martines, hues mr Bracht por a start tratamentu di su kaso for di djabièrnè último. E eks parlamentario ta “sigur di su kos” i splika korte ku e ta kla pa bai korte.

“Pami parti por kuminsá for di awe mes”, e la duna di konosé na Hues .mr Bracht. Ministerio Públiko a tilda Martines ti ta bringando un guera via di medionan di komunikashon. Tabata fiskal mr. van der Zee kende a bisa ku e tratamentu mester ta unu dirigí den sala di korte i no den medionan di komunikashon. Low Martines, den un sistema bastante transparente a bisa Ministerio Públiko ku “ami ta esun ku ta pone tur kos riba facebook”.

E fundadó di KEM a protesta lokual Ministerio Públiko a trese dilanti den forma detayá miéntras tabata un tratamentu preliminar si mester a bai den detaye. Esaki, Martines a trese dilanti na momento ku hues mr Bracht a trata na prevení kontinuá den su último palabranan pa djabièrnè. Segun Martines, korte no tabata mes a laga e fisklanman bai den asina tantu detaye, sin a duna su defensa òf su persona e oportunidat na defendé nan mes. E la duna komo ehèmpel ku den e prosès ferbalnan, reshèrshinan hulandes ta papia riba “Low de Antilliaan”, pero riba su mes esei no ta Low Martines. Pa nan komodidat, nan mes ta splika despues ku “pa fasilidat di entendimentu mihó uza Low Martines”. Esei, segun Low ta un fayo pasobra for di unda nan ta dedusí ku ta Low Martines ta esun registrá riba e sistema di SKY ku nan ta papia i skibi di dje den prosès ferbal.

Low a bolbe trese dilanti ku ta gobièrnu hulandes ta tra di su persekushon. Na 2022, durante un bishita parlamentario na Bèlgika, Martines ofisialmente a entrega un keho kontra di Gobièrnu hulandes riba introdukshon di COHO. E netamente un luna despues, RST a inisiá e investigashon BLENDA, ku ta esun den su kontra. Esei ta nifiká ku Ministerio Públiko tin kasi 3 aña ta kana rònt ku mesun informashon. Pero tabata nèt riba 21 di Ougùstùs 2024 , riba e dia ku e la bai reuní pa duna sosten na e formashon nobo, RST a traha un rapòrt di opservashon robes ku pa kolmo a trata na inkriminá Lon Muteel tambe. Pa e inkriminashon inkorekto di Mutueel, Ministerio Públiko a hasi un despensa públiko. Einan segun Ministerio Públiko, Martines tabata kore rònt ku un hòmber di fam L, ku den pasado a yega di kai pa droga. E informashon a resultá di tabata robes.

Muteel tambe tabata den sala di korte. Muteel ta konosí pa e hóben kende logra un manifestashon nashonal na Yüni 2020.