Back to Top
Responsive image
E korant di pueblo

Luis Suarez: “nan a menospresiá mi”


May 24, 2021 • 1 minüt pa lesa

Menospresiá: El Pistolero a bisa ku Barcelona a menospresiá su persona.

Madrid—Durante un entrevista despues di wega e delantero uruguayo Luis “El Pistolero: Suarez no tabata por a kontrolá su emoshon. Yorando e la deklará públikamente ku “nan a menospresiá mi”.

El pistolero a referí na e desishon di Barcelona pa lag’é liber kual a pone resultá den e ekipo básiko di Atletico Madrid. Suarez na e momentonan aki ta e delantero mas diskutí na mundu debí na su hazaña di sali for di Barcelona i bira kampeon ku Atletico Madrid. Ku un bos yorá, Suarez a bisa ku su famia a pasa den e momentonan mas difísil e aña aki despues di a pèrdè su kupo na Barcelona i bai hunga pa Atletico. E delantero miembro di selekshon na Uruguay hura di tuma revancha.

No solamente e la anotá e gol di viktoria kontra di Barcelona pa tene nan chènsnan nulo fo’i dje titulo nashonal, sino djasabra tambe el a anotá e golnan di viktoria kontra di Osasuna i Valladolid pa duna Atletico e titulo nashonal. “Tabata un aña difísil pa nos”, e la añadí durante e entrevista. “Pero Atletico a habri un porta p’ami por sigui demostrá mi kapasidatnan profeshonal”.

Login