Mac Cijntje, den tolda blou.
Rooseveltweg—Unu di e motornan tras di Pueblo Soberano, Mac Cijntje ta bek den polítika. Djaluna último e eks pelotero, polítiko i miembro di parlamento tabata na sede di MAN bistí na blou.
Cijntje, probablemente a subi MAN despues di konsulta ku su eks mènedjer di beisbòl, Kenneth Gijsbertha. Cijntje a picha hopi ana den beisbòl infantil, hubenil i dòbel A pa e bario di Sta. Maria unda Gijsbertha tabata unu di e lidernan. Cijntje su karera polítiko a desaroyá komo man drechi di defuntu Helmin Wiels, kende tabatin hopi konfiansa den Cijntje. Despues di e asesinato, a surgi un desakuerdo grandi unda Cijntje a bandoná e partido. Su konflikto mas grandi tabata ku Ivar Asjes, kende a bin kambia e filosofianan di e tolda maron.
Mac ta yuda karga e lista na posishon 28 huntu ku Kenneth Gijsbertha na 29