Punda—Mac Cijntje, mediante un desishon di korte sivil pa wes mr. Martijn a gana gobièrnu di Korsou riba un protesta kontra di “atvertensha” disiplinario emití pa minister di Planifikashon Urbano (e temporada ei Zita Jesus Leito).
Konforme un karta skibi riba 29 di mei último pa hefe di Obranan Públiko, Mac Cijntje a wòrdu akusá di a aktua kontra di prosedernan públiko komo ámtenar.

Ta trata di un situashon unda studiantenan stazjèr bou di guia di Cijntje lo tabata reakshoná den medionan di komunikashon riba un kaminda alternativo na e proyektonan di mangrof di Rif i konstrukshon di inmobilaria. E departamentu, bou di órden di minister a duna Cijntje un atvertensha disiplinario pa kual e la bai wes kuné.
Wes a duna Cijntje rason unda gobièrnu no tabata por a pone prueba ku ta Cijntje a duna e studiantenan informashon ademas e studiantenan a referí tambe na lokual gobièrnu mes a publiká riba nan sitio wep.•