Willemstad,– Maharo Isenia direktor di komunikashon a splika durante dui e rueda di prensa ayera ku entrante awe djabièrnè 19 di febrüari por yama helpdesk na 9345 pa registrá .

Tur persona 60 plùs i personal den kuido ku ta traha direktamente ku pashènt por registrá pa vakuna. Helpdesk ta aksesibel di djaluna pa djasabra di 8’or di mainta te 5’or di atardi i tambe el a splika ku e yamada ta grátis, pues tur persona di 60 plùs i trahadónan di kuido mester kuminsá registrá pa haña e vakuna. Señor Maharo a bisa ku a skohe entre otro Dòkter Izzy Gerstenbluth i tambe Zita Jesus Leito pa tuma e vakuna otro siman djarason dia 24 di febrüari.

A hasi investigashon bou di siudadanonan i a konstatá ku mas ku 3500 hende den tres siman di tempu a yena e formulario di kual 43% di komunidat a bisa ku ta interesá pa bai vakuna, 42% a bisa ku nan no ta interesá pa tuma e vakuna i 15% a bisa ku ta dependé di ki faktor nan ta skohe pa vakuna, por ehèmpel dependé ki efekto e tin ora tuma e vakuna. Naturalmente gobièrnu tabata kier sa dikon un pèrsona ta skohe pa no vakuna, di e 66.27 % tin 42% ku no ta interesá ku a bisa ku nan no ta interesá paso e vakuna a keda kla muchu lihé. Tambe hopi hende ta bisa ku nan n sa kiko ta su efekto.