Momento ku tabata saka e kurpa sin bida di e víktima Domitilia for di e laman na Shut.

Willemstad—Ayera un mama i su yu hòmber a presentá den korte akusá di a choka i òf stek i tambe hinka e víktima S. Domitilia mata dia 18 yüni 2023.

Ta trata di e dama Y.  Jacobus ( 1971) i e hòmber G. Jacobus (1997)kual ta mama i yu ku ta wòrdu akusá di a mata e hòmber S. Domitilia dia 18 di yüni pa despues dùmp e kurpa sin bida den laman na e parti nort di  Kòrsou. E dama Jacobus ta wòrdu akusá ku dia 18 di yüni 2023 e lo mester a hinka e víktima S.H. Domitilia ku un opheto skerpi i òf un kuchú vários biaha na e parti robes di su garganta miéntras e tabata drumi kual a pone ku e víktima a bin fayesé. Tambe e dama aki ta wòrdu akusá ku riba e mesun dia e ku otro  lo mester a trata di kita bida di e mesun víktima  dor di sea choka i òf primi e víktima su garganta di tal forma pone ku e no por a inhalá oksígeno. Tambe na e mesun momento tapa e víktima su kara ku kusinchi i tambe paña pa evitá ku e víktima por a respirá.  E yu hòmber esta G. Jacobus tabatin 1 akusashon den su kontra kual ta intento di asesinato. E yu Jacobus ta wòrdu akusá ku riba e fecha di 18 di yüni e so òf huntu ku su kómplise lo a choka  i òf sera garganta di e víktima Domitilia di tal manera ku e no por a respirá na momento ku esaki  tabata drumi pero dor di esaki e víktima no a bin fayesé.  Fiskal a splika ku e kaso ta unu Proforma pero ainda no tin un fecha stipulá. segun Fiskal e mama Jacobus den e kaso aki a duna deklarashon na seis okashon di loke posiblemente a pasa e dia ei i tambe kiko por a pone yega na  tal desishon. Pa Fiskal ainda falta rapòrt di tantu reklasering komo sikólogo ya asina e kaso pa e por e wòrdu trata den kontenido.  Segun Fiskal e no por apuntá un fecha ainda pa e tratamentu pero e ta pensa ku esaki lo por bai bira den luna di febrüari di aña 2024. Ta trata di e kaso aki ta trata di e víktima ku un persona kanando kantu di laman na Shut mester a señalá un kurpa sin bida mara ta drif den laman. E dia ei mesora a pidi outoridatnan yega na e parti nort di Kòrsou pa asina por a hasi mas investigashon. Ku yudansa di bomberonan a logra di saka e kurpa sin bida for di den laman i for di e promé instante por a tuma nota ku aki tabata trata di un krímen esta un asesinato ya ku e víktima tabatin vários hinka na su garganta na e parti robes di su kurpa. Tambe a tuma nota ku e tabatin strep na su garganta. Investigashon a sigui i a bin logra di detené mama i yu ku tabata biba huntu ku e víktima. Ayera den korte e mama a pidi pa e duna un deklarashon nobo i amplio na Hues komisario ya ku e no kier hasi esaki den korte dilanti famianan di e víktima i tambe prensa. Fiskal a splika ku e no ta di akuerdo ku e petishon ya ku e akusado mes a duna 6 deklarashon pero Fiskal ta di akuerdo pa laga traha rapòrt di reklasering i tambe sikólogo di e víktima.