Willemstad,– Den un komunikado na prensa Mambo Beach BLVD ta splika ku entrante 1 di aprel 2023 nan lo kuminsá imponé “zero toleransia” riba nan terenonan.
Den un anunsio na prensa gerensia di Mambo, Cabana Beach, Mood Beach i Wet & Wild ta splika ku, “Den kuadro di promoshon di bienestar i siguridat di nos bishitante i trahadnan, nos ta anunsiá ku, entrante 1 di aprel próksimo, lo tin un ‘polítika di sero toleransia’ pa violashon di e kondishonnan pa bishitante i e reglanan di kasnan situá na Bapor Kibra, lokalmente konosí komo Seaquarium Beach, Mambo Beach i Cabana / Mood Beach. E kondishonnan pa bishitante ta publiká na entrada di e lokashon nan. E kondishon nan pa bishitá e lokalidat ta ku mester por mustra un identifikashon válido (si ta nesesario). Ta estriktamente prohibí pa bende òf tin posishon di droga òf arma di kandela riba e tereno menshoná aki.
Segun informashon disponibel pa algun tempu kaba turistanan ku ta bishitá e área ta wòrdu fastidiá ku bendedónan di droga. No solamente esaki ta afektá e bienestar di e turista na Mambo, pero e situashon ta duna Mambo mal nòmber tambe. Alabes gerensia dia pa dia ta hañando mas reklamo relashoná ku bendementu di droga durante oranan di anochi.
E meta di e sero toleransia ta pa enfatisá na un i tur ku tur hende mester tene nan mes na reglanan stipulá. Si akaso un persona no mantené nan mes na regla, nan lo wòrdu tené na altura ku nan mester bandoná e tereno di Mambo Boulevard.