Back to Top
Vigilante banner image

MAN i TBK ke reunion públiko riba Ennia Caribe Holding


March 20, 2023 • 1 minüt pa lesa

Rennox Calmes.

Punda—Partido Trabou pa Kòrsou i MAN e siman aki a keda na entrega un karta pa eksihí un reunion komo tópiko, Ennia Caribe Holding i solbabilidat.

E siman tras di lomba, Korte Sivil den Apelashon a trata e kaso di Ennia. Durante e tramentunan kual a tuma 3 dia, e situashon di Ennia a keda tratá. A konkluí, segun abogadonan di Ennia Caribe Holding ku e kompania ta den un situashon serio i ku solbabilidat, di e kompania mester solushoná. Segun e abogadonan Dennis Horenman, Lutsen de Vries i Sebastiaan Kool, Kòrsou i St. Maarten na nivel polítiko mester solushoná e problema. Sea ta subi merkado di fiansa pa fia sèn i tapa e défisit den solbabilidat òf ámbos gobièrnu ta hinka plaka den Ennia.

Miembro di Parlamento pa partido TBK, Rennox Calmes ayera a splika Vigilante ku nan ta bai entrega un karta pa súplika un reunion. Segun Calmes e la sigui e tratamentunan via medionan di komunikashon i ta mustra ku e situashon ta preokupante. Segun Calmes mester bini un evaluashon di un eksperto independiente pa averiguá si en bèrdat e problema di solbabilidat ta asina preokupante. Fondonan Públiko segun Calmes mester atendé ku koutela. Ta konosí kaba segun e parlamentario e problema di Giro unda e supervishon di Banko Sentral a faya. Awor atrobe e supervishon a permití sakeo di aktivo for di e kompania di seguro. Ámbos situashon ta rekerí un reunion pa alabes kuestioná e supervishon na Banko Sentral, a la duna di konosé finalmente.

Login