Willemstad—Djaweps último 1 yüli parlamento di Kòrsou lo mester a debatí riba e karta ku Minister di finansa sr Silvania a manda parlamento. E karta ku a ser manda su kontenido tabata un petishon di minister na nòmber di Konseho di Minister pa ratifiká e akuerdo polítiko entre Gobièrnu di Kòrsou i Hulanda esta e Landspakket. 

Riba pregunta nan di frakshon di MAN den parlamento a puntra gobièrnu pa loke e desishon ku a kai den konseho di minister. Minister Presidente Pisas lo mester a konfirmá ku gobièrnu den konseho di minister a bai di akuerdo pa ratifiká e akuerdo polítiko di 2 novèmber 2020.

Parlamento a pidi pa e karta aki i Minister Presidente a indiká di lo manda e karta despues pa parlamento. Pa frakshon di MAN mirando e importansia i embergadura di e situashon kual tin un pueblo ta warda pa risibí yudansa, nos ta kere ku parlamento i pueblo mester sa ki ta e kontenido di e karta ku Gobièrnu di Kòrsou a manda pa Sekretario di Estado Knops.

Esaki sigur pa no pasa ku e karta di 5 di mei 2021 ku a krea konsternashon den komunidat.  Na momento ku lider polítikonan di MFK i PNP a duna di konosé ku nan no ta bai akuerdo ku lokual a keda akordá ku Hulanda, poniendo na peliger salarionan di ambtenarnan i sosten na esnan afektá dor di e pandemia. Kual sigur e karta mester a keda sekreto pa pueblo di Kòrsou.

P’esei pa Frakshon di MAN ta urgí Minister Presidente pa awor si ser transparente i publiká e karta ku a ser manda pa sr Knops kaminda Gobièrnu di Kòrsou ta reafrimá e akuerdo polítiko ku Hulanda.