Sanshon: Trump a impone sanshon riba Venezuela na 2019

Isla—Presensia di Trump, no ta un bon notisia pa PDVSA ni tampoko pa Kòrsou, pa lokual ta tratra transborde petrolero. Na 2017, Donald Trump a inisiá ku sanshonnan ekonómiko kontra di Venezuela i na 2018 esaki a konkretisá.

E desishon di Trump pa sanshoná  Venezuela tabatin di haber ku bankonan ruso. E industria petrolero venezolano ta bou di embargo di bankonan ruso pa finansiamentu di pèrdidanan bionario di PDVSA.

Segun m medio di komunikashon mas grandi di Medio Oriente, Al Jazeera, Kòrsou tabatab unu dje paisnan mas dependiente na mundu riba kompra di krudo Ruso. E medio di komunikashon mundialmente rekonosé a skibi un análisis despues ku Rusia ta bringando Ukraina, unda el enfatisá ku Kòrsou ta e di tres pais mas grandi na mundu ku ta dependé di krudo Ruso.  Segun Al Jazeera na 2019 e tòp eksportadó di krudo mundialmente tabata Saudi Arabia (145 bion dòler) Rusia (123 bion dòler), Iraq (74 bion dòler) i Estádos Unídos (61 bion dòler). Segun e medio di komunikashon, China a kumpra kasi 27% di lokual Rusia tabata eksportá na krudo balorá na 34 bion dòler estado unidense. Por lo ménos 48 pais na mundu tabata importá krudo rusiano segun Al Jazeera. E paisnan na mundu ku mas ta dependé di importashon di krudo ruso ta, Belarus, Cuba i Kòrsou!. Ta trata di kasi 99% di nan importashon petrolero ta di Rusia.

Pero un investigashon di Vigilante ta konkluí ku  e informashon no tabata kompletamente korekto. Segun Yamil Lasten di Curoil, Kòrsou nunka no a yega di importá krudo Ruso.  E informashon no ta kuadra ètól, el a enfatisá na Vigilante  den un reakshon riba e artikulo di Al Jazeera. Lasten  a bisa ku Kòrsou no ta importá krudo ni produktonan petrolero for di ningun pais sanshoná, referiendo na e desishon di Gobièrnu di Trump na 2018.

Un investigashon di Vigilante ta konkluí ku Al Jazeera a basa nan informashon riba datos for di 2019, lokual ta 1 aña despues ku PDVSA a stòp di rafiná krudo na Kòrsou. Úniko posibilidat ku por tabatin ta ku Kòrsou tabata importá krudo for di PDVSA ku tabatin konseshon di nan krudo na bankonan ruso. Aparte di esei tabatin un kompania Nynas AG. Nynas tabata un operashon internashonal garantisá pa bankonan Ruso. Esnan pensando ku na 2018, Refineria Isla na Kòrsou no tabata di importansha pa Rusia ta ekiboká nan mes. Despues ku bosero di Asuntunan Eksterior na Rusia, Maria Zhakrova, fo’i 2018 a deklará ku Estádos Unídos tei uza Kòrsou pa invadí Venezuela, e komunidat Soviétiko a hisa nan wènkbrounan. E úniko prekupashon ku por relashoná Rusia ku Kòrsou, tabata un kompania kliente di PSVSA Isla, Nynas AG. Nynas tabata e kliente internashonal mas grandi di Refineria Isla BV PDVSA na Kòrsou. E kompania ta kumpra krudo rafiná serka PDVSA komo materia prima pa produsí produktonan derivado di petroli, manera e.o. tayer i rùber. Ta konosí ku Petroleos de Venezuela SA a sera un akuerdo ku bankonan ruso pa salbaguardiá produkshon di nan krudo. Di e forma aki, PDVSA na Kòrsou, a outorisá benta i produkshon di tur krudo relashoná ku nan struktura, inkluso esun di Nynas di wòrdu representá den un tersera parti pa bankonan ruso.

Na 2019, Gobièrnu di Trump a intensiva e sanshonnan riba Venezuela i PDVSA pa fortalesé influensha di bankonan ruso riba krudo venezolano komo un aktivo pa garantisá solbabilidat di nan sistema bankario. Ku posibel regreso di Trump, Kòrsou lo no tin un benefisio dirèkt pa negoshi petrolero, si sali for di punto di bista ku Trump lo tene bankonan ruso liber di imponé embargo riba krudo petrolero.