AMSTERDAM—Un grupo di 100 manifestante pro-Palestina a invadí e edifisio di Stopera na Amsterdam ayera nochi.

Nan a sinta abou na e parti di kas munisipal. E portanan di opera tabata será, pero a habri despues pa bishitantenan. Alrededor di 19.00 un presentashon a kuminsá. Pafó di e edifisio tabatin desena di manifestante. Polis a bai papia ku e manifestantenan ku tabata den e edifisio, segun un bosero. Stopera ta un kompleho den sentro di siudat ku ta ubik’a stadhuis di Amsterdam i e teater di Opera Nashonal & Ballet. Manifestantenan tabata grita pa alkalde Halsema bai. E manifestantenan ku a okupa Universidat di Amsterdam ayera ku alguun tent, a bandoná e tereno. Polis a evakuá e lugá. Nan a kana bai kas munisipal. Universidat di Amsterdam a hasi denunsia di molester di orden públiko. Tabatin un situashon inimidante, hendenan ku kara tapa ku a drenta e edifisio, segun un bosero. A buska kontakto ku e bosero dje manifestantenan, pero e no por a duna informashon di e plannan.