Back to Top
Responsive image
E korant di pueblo

Marelly Balentina studiante kende mas a destaká den deporte


May 17, 2021 • 1 minüt pa lesa

WILLEMSTAD—E atleta/studiante Yu di Kòrsou Marelly Balentina, a resultá di ta e studiante kende mas a destaká den deporte, pa loke ta historia di Regent Royals. Ta trata aki di e sitio unda e la studia i alabes kompetí den deporte, pa i den representashon di su skol.

Marelly ta un deportista, kende a destaká den diferente ramo deportivo, unda e la logra tambe diferente medaya i a keda skohe komo staudiante/atleta di durante di e último añanan eskolar.

Ku esaki tambe e la resultá di ta e studiante mas eksitoso deportivamente pa loke ta historia di e skol.

Balentina a logra entre otro medaya den kompetensia nashonal di NCCAA, opteniendo Oro den tiramentu di sper, plata den tiramentu di bala di heru indoor i bròns den tiramentu di disko primeramente.

Seguidamente e la regresá den e kompetensia aki, logrando Oro den tiramentu di bala di heru. Finalmente tambe e tabata pa un periodo kòrtiku parti di e ekipo di futbòl, unda tambe e la destaká.

Login