Señora Nita ta bisa ku ta den prensa a publiká ku Damen a tuma desishon ku no ta inbertí mas den Damen Shiprepair

Willemstad,– Parlamentario Maria Nita ta splika ku dia 9 di mart aña pasa pues despues di un aña, algun parlamentario a hasi bishita na Damen i na CDM i a keda bon risibí. Durante rekorido riba e wèrf señora Nita ta bisa ku en bèrdat a konstatá un situashon ku ta eksigí invershon i mantenshon rápido.

E ta splika ku a wak e situashon ku e trahadónan ta laborá i a mira diferente kos den mal estado.

Na òktober 2022 Damen a inbertí 40 mion dòler dividí den 20 mion dòler di Shipyard i 20 mion dòler ku Hulanda a kontribuí ku Kòrsou mirando e efekto ku Covid tabatin.

E invershon aki segun parlamentario Nita ta mara na plan di reskate i pa kontinuá e servisio pa klientenan rònt mundu.

A kanselá tambe retraso di 60 mil dòler ku ta un retraso na SVB.

E parlamentario ta splika ku despues di e invershon e parti di drechamentu di entre otro krannan no a tuma lugá i esaki ta hasi imposibel pa sierto barkunan drenta. Mantenshon no ta optimal i na lugá di inbertí pa drecha esakinan, nan ta preferá di hür sakando sèn grandi pa duna servisio.

E ta bisa ku den prensa a publiká ku Damen a tuma desishon ku no ta inbertí mas den Damen Shiprepair. Nita ta bisa ku meter trese klaridat riba futuro di DOK pa wak kon ta sigui. E ta bisa ku nos no por pèrmití ku mas pilar ekonómiko no ta eksistí i no mester lubidá ku tin un debe di 18 mion florin na APC.