Back to Top
Vigilante banner image

Martina satisfecho di mira ku su esfuersonan ta dunando fruta


May 3, 2023 • 1 minüt pa lesa

Segun parlamentario Martina e lokenan ku e la  hinka su skouder bou di dje awor ta dunando fruta.

WILLEMSTAD, – Kòrsou ta bai krese. Parlamentario pa partido MAN, Steven Martina ta konvensí di esaki despues di tabata presente na e seremonia di “groundbreaking” di Pyrmont Hotel na Pietermaai, mihó konosí komo e proyekto di Penn Resort.

Martina komo èks minister a hinka su skouder bou di diferente proyekto manera Sandals, Penn Resort, Marichi Hotel, The Wharf i Hotel Otrobanda. Den un deklarashon pa Vigilante, Martina ta bisa tambe ku ta ku sumo plaser e ta tuma nota ku e proyektonan aki ta kristalisando kreando mas kupo di trabou i engrandese e sektor turístiko na Kòrsou.

E ta felisitá e desaroyadónan ku e paso grandi aki pa relaisá e proyekto di Penn Resort i ta satisfecho di mira ku su esfuersnan den pasado ta duna fruta awe. Fruta den sentido di mas kupo di trabou, mas kamber pa turista i mas aktividat ekonómiko, esta Martina.

Login