Ambulans riba kran rumbo pa garashi. Algu mester a kibra den wil pone ku tayer a lèn di banda den kareda.

Willemstad— Miéntras ku ketu bai ta sigui bisa ku tin sufisiente ambulans adekuá pa por hasi e transporte di víktimanan di kualke suseso i òf esnan ku bira malu e realidat si ta mustra otro.

Un biaha mas otro ambulans mester a wòrdu pone riba kran pa asina keda transportá pa garashi. Esaki ta debí ku riba kaminda esta  riba kareda algu mester a kibra bou di e ambulans pone ku asta e tayer a kai di banda. No a keda nada mas pa yama un kran pa asina transportá e vehíkulo pa garashi. Maginábu ku esaki a pasa ora tabata hasi transporte di un víktima riba un velosidat  pa CMC ku tur e konsekuensha k u esaki por a trese kuné. Afortunadamente esaki a sosodé nèt na momentu  ku a kaba sali hiba un víktima na CMC esta di tabata kore riba un trankil. Trahadónan ta sumamente prekupá ku e situashon.