Back to Top
Responsive image
E korant di pueblo

Mas ku 500 mion number di telefòn di usadónan di Facebook a lèk riba merkado pretu


January 26, 2021 • 1 minüt pa lesa

Washington DC,– Facebook tabata tin un fayo kual a wòrdu solushoná na 2019 pero esaki a resultá ku e ret sosial a lèk 500 mion hende su number di telefòn. E numbernan di telefòn ta na benta riba diferente wèpsait ku ta hèndel den asuntunan ilegal manera blèkmail, froude i engaño.

Un persona anónimo a duna di konosé ku e tin akseso na 500 mion number di telefòn. El a yega na number nan aki despues ku el a deskubrí un fayo riba servernan di Facebook kaminda e por a usa un programa pa traha un lista di tur e numbernan di usadónan di Facebook. Yegando na 500 mion number, Facebook a diskubrí ku nan server tabata tin un fayo, nan a drech’é, pero e persona anónimo a logra kapturá 500 mion number di telefòn.

Apesar ku e data di e numbernan di telefòn ta for di 2019, mayoria hende no a kambia nan number di telefòn pues ainda e data aki ta válido. Pa risibí akseso pa wak e number lista di numbernan bo lo mester paga via credit card un montante di $20,- pero tin preisnan di $5000,- pa $10.000,- pa risibí ful e lista di number. Segun informashon nan di VICE, numbernan di e paisnan Merka, Canada, Inglatera, Oustralia i 15 otro pais a wòrdu di lèk.

Na 2019 Facebook tabata tin mas ku 2 miar usadó pues e persona a lèk 25% di tur number di telefòn ku ta registrá riba e plataforma sosial. No ta konosí ku tin number di telefòn di Kòrsou den e lista aki. Akaso bo number a wòrdu di lèk bo por risibí diferente whatsapp òf mensahe straño ku bo a gana un sèn kèsh of preisnan lukrativo.

Login