WILLEMSTAD,—-MBA Empowerment ta un akademia di kresementu personal pa damita entre 4-24 aña i adulto. Ku hopi orguyo nos ta kompartí ku komunidat di Kòrsou algun ‘great’ proyekto.

Dia 6 di yüli 2024 MBA Empowerment tabatin su Summer Show titulá Tropical Breeze.  Durante e show tantu mucha, hóben i adulto por a selebrá kresementu personal ku kada un mba’er a bini ta risibí na e akademia.  Ku konfiansa kada un di e mba’er a demostrá kon fuerte nan raisnan di konosementu i abilidatnan ta, dunando kada un di nan soñonan oportunidat pa sigui floresé.

Tambe durante di Tropikal Breeze a keda koroná E’lyente Shearman komo Mini World Baby Curaçao i Valery Ortega Mini World Pre-teens Curaçao kual lo bai representá pais na Repúblika Dominikana. Por último ‘Business Sister’, MBA – The Agency tin un grupo di 14 modelo di diferente edat (mucha, hóben i adulto) ku a biaha 10 di yüli 2024 pa Miami den kual nan lo bai modelá na Doral Fashion Week 2024 pa estrená kolekshon di Akisha Albert’s Design. MBA Empowerment mas ku un akademia di kresementu i modelahe. Trahando di paden bai pafó.