Back to Top
Vigilante banner image

Mc William ta urgi pa trese solushon ku e situashon enkuanto COVID19 na skolnan


March 27, 2021 • 2 minüt pa lesa

Willemstad—E sifrasnan di kasonan positivo di e virus di COVID19 lamentablemente ta oumentando drástikamente di kual e situashon a bira unu alarmante ku konsekuensia ku Gobièrnu mester tuma medidanan pa por minimalisá e kasonan.

Skolnan te ku awe ta keda drai normal ku konsekuensia ku dosentenan ta sinti ku nan e sektor a ser lubidá den e krísis aki pa motibu ku nan si mester traha sin ku tin ningun plan di adaptashon pa ku COVID19. Gobièrnu a opta pa laga skolnan keda habrí pa motibu ku segun informashon ku Gobièrnu ta disponé ku kantidat di kasonan bou di dosentenan i alumnonan ta relativamente abou i tambe pa tene kuenta ku èksamen/proefwerk di skolnan. Pero mientras ku dosentenan, alumnonan i mayornan si ta boga pa bini ku un plan pa atendé ku nan siguridat. Na diferente skolnan varios dosentenan a opta pa mèldu  malu i mayornan ta opta pa no manda nan yunan skol. Mirando e preokupashonnan aki i tambe di e sindikatonan konserní mi ta urgi gobièrnu pa mas lihé pa atendé e situashon aki. Miéntras e preokupashon aki ta reina komo Parlamentario ta bon pa nos ta prepará pa posibel “lockdown “pa skolnan.

Na diferente okashon mi a hasi pregunta di e sondeo ku mester a keda hasí pa ku situashon di alumnonan ku no tin un lèptop ni tampoko akseso di Internet na kas pa por sigui lèsnan digital i sosten na maestronan pa ku dunamentu di lès digital.

Pa e motibu aki Parlamentario mr. Mc William a aserka Minister ku e siguiente preguntanan: Minister tin sifra di dosentenan ku a mèldu malu  último simannan aki?

Minister tin sifra di alumnonan ku mèldu malu e último dos simannan aki?

Skolnan i alumnonan ta kla pa bai digital?Kiko ta e sintimentu ku ta reina ou di dosentenan na skol enkuanto di subida drástiko di kasonan di COVID19?

Login