Willemstad – Maduro & Curiel’s Bank ku plaser ta anunsiá ku entrante djaluna 1 di mei 2023, lo subi e tasa di interes riba kuenta di spar personal i kuenta di spar komersial.

E subida akí ta aplikabel pa kuentanan di spar personal na e islanan di MCB Group na Kòrsou, Sint Maarten i islanan BES. Tuma nota ku e tasa di interes aktual riba Time Deposits i riba kuenta di spar LITO ta keda meskos.

E motibu prinsipal pa e subida akí ta debí na e subida di tasanan internashonal di interes, na momentu ku Bankonan Sentral na Merka i Oropa a kuminsá subi nan tarifanan ofisial pa kombatí inflashon. Esaki tin komo resultado ku e tasanan di interes den e merkado Merikano i Oropeo tambe a kuminsá subi.

Komo Banko nos ta komprondé e importansia pa kada kliente tin un tasa di interes kompetitivo riba nan kuenta di spar.

Nos ta mantené nos kompromiso firme pa sigui ofresé nos klientenan e mihó servisio i produktonan bankario.

Pa informashon tokante nos tarifanan por fabor bishitá nos wèpsait na www.mcb-bank.com

Nos ta yama nos klientenan danki pa skohe nos komo bo Banko. Nos ta sigui hasi nos máksimo pa keda mehorá pa kumpli ku e nesesidat i metanan finansiero di nos klientenan.