Willemstad- Ayera den oranan di mahinta, personanan deskonosí a laga un bòrchi di menasa atras dirigí na Minister Charles Cooper.

Dilanti di misa Katóliko di Kwartier, outoridatnan a bin haña un bòrchi kaminda tin skirbí “Chales Cooper morto” ku un krus marká banda di e teksto. Remarkabel ta ku e nòmber tabata mal skirbí.

E bòrchi aki a ser pone banda di un palu ku ta indiká nòmber di kaya i na e palu aki un bandera di MFK, kimá, a wòrdu kologá .