Señor Alvin Francisco manager finance di Banko Sentral a splika ayera tokante introdukshon di Florin Karibense, kampaña di informashon i pago kèsh i digital.
Willemstad,– Señor Alvin Francisco Mènedjer finansiero di Banko Sentral a splika ayera tokante introdukshon di Florin Karibense, kampana di informashon i pago kèsh i digital.
E ta splika ku a bai pa florin karibense na lugá di florin antiano, entre otro pais Kòrsou i Sint Maarten a kumbiní ku lo bini ku un union monetario i un moneda komun ku lo ta e florin Karibense.
E ta bisa ku tambe a diskutí riba e posibilidat di dolarisashon, pero ku a base di evaluashon di IMF i Banko Sentral Kòrsou i Sint Maarten a opta pa sigui ku e introdukshon di florin karibense.
Alvin ta sigui bisa ku na 2020 Banko Sentral a kuminsá ku e trayekto pa bini ku florin karibense, pero Covid a pone ku a wanta ku esaki.
Florin antiano tin rísiko pa sigui usa esaki komo nos moneda, Florin Antiano ta mará na un pais ku no ta eksistí mas i ku tambe hopi ta puntra si esaki ta un método legal di pago.
Tambe señor Francisico ta bisa ku e elemento di seguridat a bira antikuá.
Teknologia a sigui bai dilanti i na 2019 nos a haña diferente di e papel nan di 100 florin di bon kalidat, pero falsu. Tambe ta difísil pa haña e materialnan ku ta ser usá pa traha e papel i e moneda ku nos mester pa esaki.