Skol: dos mama latino ta brasa nan kriatura despues di outoridat lokal ta laga den libertat pa por kuminsá partisipá den enseñansa lokal

Piskadera—Ministerio di Enseñansa Siensia Kultura i Deporte (OWCS) huntu ku direktiva di skolnan na Kòrsou, ta hasiendo un bon trabou pa trata la aloká menornan di edat ku drenta Kòrsou sin dokumento. E muchanan ta bin kai bou di un grupo kalifiká pa OWCS komo “zorgleerling”.

Pero promé di yega einan, tin biaha e menornan ta pasa den odisea promé di bisti un unifòrm di skol i pone un rugtas riba nan lomba. Por ehèmpel, riba 21 di sèptèmber 2023 un lancha a keda interseptá den oranan di mardugá. E lancha a originá for di Venezuela kaminda 7 hende hòmber, 7 hende muhé i 5 menor di edat tabata riba e lancha. (https://fb.watch/nyfsOVX-Io/?mibextid=2JQ9oc (klik pa wak video)

Despues di yegada di e lancha na kosta di Kòrsou, algun persona indokumentá ku ya tabata na Kòrsou a mèldu na Departamento di Imigrashon indikando ku nan ta mayor di e muchanan ku a yega riba lancha. E personanan akí a keda detené riba sospecho di trafikashon di hende. Mirando ku e okupantenan di e lancha ta indokumentá i tabata kompañá pa 5 menornan outoridatnan a habri un investigashon di trafikashon di hende.

Dos mama di Venezuela, ku yudansa di Human Right Defense Curacao, a entamá un wisio sumario kontra di Pais Kòrsou. E wisio sumario ta pa e mamanan por haña nan yunan bèk ku a bin Kòrsou riba e lancha riba e dia ariba menshoná. Ta asina ku basá riba leinan internashonal, mester tin diferente dokumentashon verifiká pa determiná ku enbèrdat e yunan ta yu dje mamanan. Pero ta asina ku un dje mamanan a indiká ku gobièrnu di Venezuela nunka lo no kolaborá ku dokumentashon di verifikashon. E diskushon a bai asina leu ku konsulado di Venezuela a indiká ku nan lo no yuda e mamanan debí ku e mamanan a bandoná Venezuela riba un forma ilegal i esaki ta wòrdu konsiderá komo bèrgwensa pa e pais.

Relashoná ku derechinan internashonal di mucha, un gobièrnu tin obligashon pa duna kuido adekuá na un mucha menor di edat, na momentu ku nan no tin mama ni tata. Den e kaso aki, 5 mucha menor di edat a originá for di Venezuela for di lancha i e mayornan ku a presentá na warda di polis no tabata tin sufisiente prueba ku nan ta e mayornan di bèrdat. Pues den un kaso asina, gobièrnu di Kòrsou tin obligashon pa duna e muchanan menor di edat e kuido meresí.

Al final e 5 menornan tur a bai be den brasa di nan mamanan. E kaso a hala bastante atenshon na Kòrsou. Diferente skol na Kòrsou na e momentonan aki ta alokando alumnonan ku a drenta pais sin dokumento. Hopi maestro di skol  ta okupá ku e problema ei, den kuadro di uzo inklusivo di idioma. Mester inkluí semper e diversidat di e klas. Varios maestro di skol mester ta konsiente di e kuadro di referensia di e alumnonan. Anke kon diversifiká un klas por ta, segun mester di tur e alumnonan. Esei pa yuda e pais yega mas leu.